Arusha Urban Water Supply and Sanitation Authority (AUWSA)
auwsa10.jpg
17 Jan, 2018

We Arusha Urban Water Supply and Sanitation Authority (AUWSA), endeavor to provide affordable, sufficient, safe and clean water and to have an efficient and sustainable water supply system which is capable of catering for the current and future customers’ needs.

    SERIKALI YATUMIA BILIONI 514 KUMALIZA TATIZO LA MAJI JIJINI ARUSHA

SERIKALI YATUMIA BILIONI 514 KUMALIZA TATIZO LA MAJI JIJINI ARUSHA

Mamlaka ya Majisafi na Usafi wa Mazingira Jiji la Arusha imetia saini mkataba na kampuni ya Jiangxi Geo-Engineering kutoka nchini China kwa ajili ya kuchimba visima virefu kumi na moja (11) eneo la Magereza - Seed Farm. Hizi ni moja wapo ya kazi zinafanywa na Mamlaka ya Maji katika utekelezaji wa Mradi mkubwa wa kuboresha huduma ya Majisafi na usafi wa Mazingira Jijini Arusha.

Serikali ya Jamhuri ya Muungano wa Tanzania kupitia Wizara ya Maji na Umwagiliaji kwa kushirikiana na Mamlaka ya Majisafi na Usafi wa Mazingira Jijini Arusha (AUWSA), leo imeingia mikataba ya Dola za Marekani 233,915,581 ambazo ni takribani Shilingi 514,614,278,200 za Tanzania kumaliza kabisa tatizo la maji katika Jiji la Arusha na Wilaya ya Hai, Mkoani Kilimanjaro.
Fedha hizo ni mkopo wa masharti nafuu kutoka Benki ya Maendeleo ya Afrika (AfDB) ambao wamechangia Dola za Marekani 210,962,581 na Serikali ya Tanzania ikichangia Dola 22,953,000 ili kukamilisha mradi huo.

Kazi zitakazotekelezwa ni uchimbaji wa visima virefu, ujenzi wa matenki, ulazaji wa mabomba ya majisafi na majitaka, ujenzi wa mtambo wa kutibu maji, ujenzi wa mabwawa mapya ya kutibu majitaka, ujenzi wa Makao Makuu ya Mamlaka na Ofisi za Kanda pamoja na ununuzi wa vitendea kazi.

Kukamilika kwa mradi huu kutawezesha upatikanaji wa huduma ya majisafi na salama kwa wakazi wa Jiji la Arusha kwa asilimia 100 hadi mwaka 2030 na kutapunguza kiasi cha maji yanayopotea kutoka asilimia 45 ya sasa mpaka kufikia asilimia 20. Aidha, mradi utaongeza mtandao wa kuondoa majitaka kwa asilimia 30. Mradi huu unategemea kuchochea ukuaji wa uchumi wa viwanda na kuboresha huduma nyingine za kijamii zikiwemo Afya na Elimu.

Hali ya upatikanaji wa huduma ya maji katika Jijij la Arusha kwa sasa ni asilimia 44, sawa na wastani wa lita milioni 40 kwa siku na mradi huu unategemea kuongeza kiwango na kufikia lita milioni 200 kwa siku.

1. Mkurugenzi wa Mamlaka ya Majisafi na Usafi wa Mazingira (AUWSA), Mhandisi Ruth Koya (kushoto), Kaimu Mkuu wa Mkoa wa Arusha ambaye pia ni Mkuu wa Wilaya ya Arusha, Gabriel Daqarro (katikati) na Waziri wa Maji na Umwagiliaji, Mhandisi Isack Kamwelwe katika hafla ya kusaini wa mkataba wa utekelezaji wa mradi wa kuboresha huduma ya majisafi na usafi wa mazingira kwa Jiji la Arusha.

  • Google+
  • PrintFriendly

Our Contacts

Arusha Urban Water Supply and Sanitation Authority – AUWSA

Tel.: +255 272547186/ 2547163
Fax: +255 272547163/ 2548981
Call Centre: 0800110069.

e-mail: md@auwsa.go.tz